مسجات كووول

موضوع: مسجات كووول 25/07/09, 05:56 pm

ما عاد لي حيله على ملك الأشواق
مشاعري و أشواق قلبي(ملكوني)
الشوق بلوى و الشوق صار سراق
ويمك أحاسيس المحبه(دعوني)
مشتاق لك مشتاق مشتاق مشتاق
لكن ظروفي عن لقاك (ابعدوني)؟؟

يـا رب طمنـي علـى غاليا"غـاب =
إبطي و أنا اللي مـا أتحمـل غيابـه
في غيبته ما شفت راحة و لا طـاب =
لي في حياتـي شـئ كلـش تشابـه
هو مطلبي من دنيتي أغلى الأحبـاب =
و هو ضحكتي جعلـي فـداه بشبابـه
و أن كنت ابكتب حزني اليوم بكتـاب =
بكتب له العنـوان " دمعـة غيابـه"

مالوم قلبي لإنتفظ عند طاريك
ومالوم عيني لابكت ياغلاها.
ياليتني قاعد قبالك وإحاكيك
ووصل النفس الحزينه مناها.
باختصــــار
ياما حسدت ربعك اللي حواليك
بالشوف يوم الله بقربك عطاها؟

من يقول ان عيني ليلهـا ليـل
من يقول اني ازعـل وأتشـره
السعد صعب في وجه المقابيل
بين برد الغـرام وبيـن حـره
ما بقالك تحت جفني مراسيـل
وانا ما اشوف بعيونـك مبـره

كل اللي يكفيني بعمري لحظتين..
لحظة أشوفك و أختنق من عبرتي..
ولحظة أبادلك الحنين..
و أشتاق لأحلى لحظتين..
و أشتاق أنا في هالحياة لكلمتين..
كلمة " أحبك" نفسها بس مرتين..

لو كنت اعرف انه يجي يوم وانسـاك
ما كـان سلمتـك خفوقـي لصـدرك
كنت اخلق الأعذار وانسـى خطايـاك
ليتـك تعلمتـي الوفـا كثـر غـدرك
ياللي مشيتي بي على درب الاشـواك
ما عاد قلبي فدوتك (( طال عمرك ))
واليـوم قلبـي مـا اظنـه بيهـنـاك
ما عاد افرق بين وصلـك وهجـرك
قلبي وانا مـع غالـي الدمـع بعنـاك
وموتي من اللوعه ترى طاااح قـدرك

حاكني بأقوى تعابير"الكـلام"
للفرح باسلوب تكفى دلـني.
وضمني بأدفى مراسيل "الغرام".
ومن شتات الوقت يمك لمــني.
خلني طفل على صدرك "ينــام"
غير قـــربك يالغلا ماهمني.

محبوب روحي منك روحـي عليلـه
ارفق ترى قلبي مـن الشـوق مبلـي
مجنون في روحك وروحـك بخيلـه
انـت الهنـا والشقـا والتعـب لـي
مدري دريت انـك معـي كـل ليلـة
او اني اشوفـك معـي بيـن أهلـي
ان غبت عني فيـك روحـي عليلـه
وان جيت لك خذني على قـد عقلـي

وربي مابكت عيني على شي فقدته وراح
وربي مانزل دمعي ولو حتى على شاني
وربي ماشعرت بيوم صدري ضاق بي أو صاح
كثر ماضاق هالمره وصاح حرماني
وربي ماعرفت ان الدموع اذا بكيت ارماح
الا بعد منهو غيابه حيل "بكـــــــــاني"

ياقلبـي اللّـي ماتعـدّد مـزايـاك
ومافيه أحد كفو .. لوفاك .. وحنانك
جعل الله يعينك .. ويغفر خطايـاك
كانك وثقت بمن تحبّـه .. وخانـك

قال الفراق وقلت ماني بقاويه
طـاري فراقـك زاد بالقلـب علـه
ياللي خذيت القلب مني ومافيه
ارفق بقلبـي يابعـد كـل مـن لـه
جيتك وانا شوقي يسابق خطاويه
شوق الخليل اللي فقد شوف خلـه
قاسي حبيبي جعل ربي يجازيه
وعسـى دروبـه كلهـا مسفهلـه

يالعنبـو ظـروف عنـي تحـدك
عني اقصرت رجلك وانا ماقدر اجيك
لوهـو بكيفـك دوم يـدي بـيـدك
نصبح ونمسي دايـم ايـدي بيديـك
اصبر واحذر تكشف النـاس سـدك
ولابد عقب الغيـم تصفـي لياليـك

مشتاق لك
والله يدري كم من الشوق
فيني ؟
اراقب قدومك وداخلي نار الاشواق
واكبر دليل النوم مازار
عيني
انا اشهد ان القلب في غيبتك ضاق
ولو الامل لاقول ضاعت سنيني
قل ياعسى ماينكتب بيننا فرااق ...

لبيـــه .. من قاصي ضلوعي .. لـ طاريك
ياواحدٍ طاريـهـ يطرب .. سمــــاعه
افــرح اذا ناديت باسمي والبيك
" نديمتك " لها الشرف كل ســــاعه
امر تدلل واطلب العين .. نهديـــك ..
ولك مننا " ياشيخ " سمعٍ وطـاعه
يارب تعجبكوو

موضوع: رد: مسجات كووول 26/07/09, 03:32 pm

وربي مابكت عيني على شي فقدته وراح
وربي مانزل دمعي ولو حتى على شاني
وربي ماشعرت بيوم صدري ضاق بي أو صاح
كثر ماضاق هالمره وصاح حرماني
وربي ماعرفت ان الدموع اذا بكيت ارماح
الا بعد منهو غيابه حيل "بكـــــــــاني"

مسجات رووووووووعة

يسلموووووو

موضوع: رد: مسجات كووول 26/07/09, 05:55 pm

مشكوووووووووورة على المرور العطر

موضوع: رد: مسجات كووول 26/07/09, 08:42 pm